Gianluigi Donnarumma ka thyer heshtjen pas asaj që i ndodhi mbrëmjen e kaluar.

18-vjeçari shpërtheu në lot pas protestave të tifozëve të AC Milanit me pankarta dhe brohoritje në ndeshjen e fituar mbrëmjen e kaluar në kuadër të Kupës së Italisë kundër Hellas Veronas në San Siro, transmeton portali arbresh.info.

“Ishte një natë e keqe që nuk e prisja”, ka shkruar Donnarumma në llogarinë e tij në Instagram.

“Unë nuk e kam thënë kurrë, as nuk e kam shkruar, që isha në fund të dhunës morale kur nënshkrova kontratën. Pavarësisht gjithë kësaj, unë shikova përtej duke pasur mendjen në ndeshjen e ardhshme.. Forca Milan!”

Ka pasur raporte që agjenti i Donnarumas, Mino Raiola, i ka dërguar një letër avokatëve të Milanit në përpjekje për të anuluar kontratën e nënshkruar gjatë verës duke sugjeruar se ai është nën presion psikologjik dhe në “dhunë morale” nga klubi.

Kjo ishte reflektuar me një pankartë nga tifozët e Milanit para ndeshjes që shkruante:

“Dhunë morale, 6 milionë euro në vit dhe nënshkrimi me vëllain parazit? Tani largohu, durimi jonë ka përfunduar”

/arbresh.info/

https://www.instagram.com/p/BcscfQHnrUE/